ФОТО | Не е само најдобар фудбалер, туку е и најдобар сопруг! Фотографијата со Меси и Антонела стана хит
По победата на Аргентина на Светското првенство во Катар, на интернет стана вирална фотографија од Лионел Меси како ја фотографира сопругата Антонела Рокуцо додека таа во рацете го држи трофејот. Корисниците на социјалните мрежи пишуваат дека тој гест им бил многу симпатичен.
Препорачано
„Можеш да бидеш најдобар на светот, но на сопругата си секогаш фотограф“, е еден од коментарите на Инстаграм, а фотографијата ја споделија и бројни корисници на Твитер.
View this post on Instagram
„Целиот свет го гледаше Меси, но тој ја гледаше својата сопруга“, „Сите сакаа да го фотографираат Меси, но тој ја фотографираше својата сопруга. Ова е толку убаво“, „Воопшто нема потреба да се објаснува колку е голем овој човек. Доволно е да видите колку ѝ е лојален на сопругата и како се однесува со неа“, се дел од коментарите на социјалната мрежа.
View this post on Instagram
Потсетуваме, Антонела се огласи на Инстаграм откако Аргентина стана светски шампион и му честиташе на својот сопруг Лионел Меси на освоеното злато.
„Светски прваци! Не знам ни како да почнам. Толку сме горди на вас. Ти благодарам што нѐ научи никогаш да не се откажуваме, дека мора да се бориме до крај. Ти сте светски шампион, а ние најдобро знаеме колку трпеше и колку ова сакаше да постигнеш. Одиме, Аргентина“, напишала Антонела заедно со фотографиите на кои позира со сопругот и нивните синови.
View this post on Instagram
Антонела и Меси се запознале кога тој имал само пет години, а наводно се забавувале во средно училиште. Се шушка дека уште на девет години Лео сакал таа да му стане сопруга и дека често ѝ пишувал љубовни писма.
Првиот син Тиаго го добија во 2012 година, а три години подоцна се роди Матео. Во 2018 година тие го добија третиот син, Цира. Се венчаа во 2017 година во родното Росарио, Аргентина, а деталите од венчавката успеаја да ги задржат подалеку од очите на јавноста.
ФОТО | Не се одвојува од трофејот: Меси спиеше со „божицата“
ВИДЕО | Aнтонела збесна: Синот на Меси фрли мастика кон аргентински навивачи
