Кралот на попот Мајкл Џексон често ѝ подарувал скапоцени парчиња накит на холивудската икона Елизабет Тејлор, а една од нив била дијамантската нараквица. Британските акционери „Woollei & Wallis“, денес го продаваат парчето како дел од нивната аукција на фин накит, а се проценува дека истата ќе се продаде за повеќе од 80.000 евра.

Жолто-златната нараквица е поставена со 27 градуирани дијаманти со брилијантно сечење кои имаат жолта нијанса, од кои најголемиот е 3,38 карати.

Вкупната должина на нараквицата, кој ќе се продава во Солсбери, Вилтшир, на 30 јануари е 18 см.

Елизабет Тејлор и Мајкл Џексон беа добри пријатели повеќе од 20 години. Кралот на попот дури побара од актерката да биде кума на неговите деца.

Инаку, според компанијата за ретки скапоцени камења, Елизабет имала голема колекција накит проценета на 145 милиони евра. Тејлор поседувала парчиња од модните куќи Булгари, Картие, Тифани и Бушерон.

Кога зборувала за нејзиниот накит, Елизабет еднаш изјавила:

„Се чувствувам како да сум само чувар на мојот накит. Кога ќе умрам и тие ќе излезат на аукција, се надевам дека кој и да ги купи ќе им даде навистина добар дом“.

Таа почина во 2011 година на 79-годишна возраст, а Џексон почина на 50-годишна возраст, две години претходно.