Годинашната Мет гала повторно ги собра ѕвездите од светот на модата, музиката и филмот, но еден од највпечатливите моменти на вечерта беше враќањето на манекенката и претприемачка Хејли Бибер, и тоа без сопругот, пејачот Џастин Бибер.

Манекенката и претприемачка прошета сама по црвениот тепих, првпат по 2021 година, кога нивното заедничко појавување беше обележано со непријатен момент. Имено, тогашната публика го скандираше името на поранешната девојка на Бибер, пејачката и актерка Селена Гомез.

Познатата манекенка за оваа пригода носеше елегантна мини сако-фустан од брендот „Сен Лоран“, кој го комбинираше со сандали на платформа, сјаен накит и изразен контуринг на лицето. Иако изгледаше самоуверено, многумина коментираа дека нејзиниот израз на лицето и тивкото држење оддаваат доза на непријатност или дистанца. Некои дури ја нарекоа „најтажната жена“ на годинашната Мет гала.

Додека Хејли блескаше на гламурозниот црвен тепих, нејзиниот сопруг остана во Лос Анџелес, каде што објави видео како опуштено следи хокеј натпревар.

Да потсетиме, нејзиното отсуство од претходните гала настани се поврзува токму со инцидентот од 2021 година, кога според сведоци, обожаватели на Селена Гомез ја довеле Хејли до солзи со своите повици. Иако подоцна во поткастот „Кол Хер Деди“ негираше дека плачела, призна дека скандирањето било „непочитување“ кон неа и нејзината врска со Бибер.

„Не плачев, туку ми влезе нешто во окото“, се пошегува Хејли во поткастот. Таа исто така истакна дека очилата за сонце што не ги симна цела вечер биле дел од нејзината модна визија, а не начин да ги сокрие емоциите.

ФОТО | Мет гала: Светските ѕвезди блеснаа во модни креации како омаж на црнечкиот денди-стил