Кучето кое е добиено со вкрстување на волк и кавкаски овчар било продадено за 5,7 милиони долари, а го купил индискиот милионер и редок љубител на кучиња С. Сатиш.

Kучето кое го доби името Кадабомб Оками има само осум месеци, тежи 75 килограми, високо е 76 сантиметри и може да се каже дека е вистински џин меѓу кучињата.

Сатиш е познат љубител и одгледувач на кучиња од Бангалор и поседува колекција од повеќе од 150 кучиња од различни раси.

This “wolfdog” named Cadabomb Okami – the world’s most unique dog – has sold for $5.7 million!

Cadabomb is a cross between an actual wolf and a Caucasian Shepherd pic.twitter.com/cGmwQv2Gt6

— Star 106.9 FM (@Star1069FM) March 19, 2025

„Оками е исклучително ретка раса на кучиња и изгледа како волк. Оваа раса досега не била продадена никаде во светот. Кучето е одгледано во САД и е навистина посебно“, рекол Сатиш, објаснувајќи ја својата одлука да го купи кученцето и да издвои голема сума за него.

Пристигнувањето на Оками во Индија предизвика сензација, а Сатиш се појавил со него во неколку ексклузивни прилики, меѓу кои и филмски премиери.

Милионерот наплаќа големи суми пари за да се појави во јавност со ова уникатно куче, а за половина час појавување наплаќа околу 16.000 долари.