Доџа Кет го имаше своето деби на црвениот тепих на Оскарите, внесувајќи див стил на доделувањето на наградите. Пејачката носеше уникатен „Балман“ фустан со леопард принт, крој на корсет и длабоко деколте.

Фустанот е дизајниран од креативниот директор на „Балман“, Оливие Рустинг, кој инспирација нашол во фустанот со леопардски принт кој Пјер Балман го создал во 1953 година.

„Ми беше исклучително важно да работам со Доџа на овој изглед кој ја слави женската моќ. Овој фустан инспириран од мачка се поврзува со богатата архива на Балман, а исто така совршено одговара на најновата колекција пред есента“, рече Рустинг.

Фустанот го изработиле 46 занаетчии за повеќе од 5.600 часа работа. Има рачно изработена шема со микроскопски златни стаклени цевчиња внатре.

Таа за настапот се пресоблече во фустан украсен со кристали.
Доџа Кет блесна во кристали додека ја изведуваше песната „Diamonds Are Forever“.

Пејачката и раперката излезе на сцената на Долби театарот за да ја изведе песната „Diamonds are forever“ на Ширли Бејси, а таа беше облечена да одговара на темата. Носеше уникатен Сваровски фустан со проѕирен корсет и здолниште, украсен со фини мрежести кристали. Својот изглед го комплетираше со ракавици кои изгледаа како да се обложени со дијаманти и деликатно се движеа додека настапуваше.

Целиот изглед го заокружи со сандали од колекцијата АЉмина Муади (Amina Muaddi), долга огрлица Сваровски и кратка фризура. На сцената, таа додаде свој личен шмек на песната од иконскиот филм за Бонд од 1971 година.

Оваа година, Оскарите зазедоа построг став во однос на проѕирните фустани и смелите тоалети, како што можеше да се види во меморандумот за кодекс на облекување. Иако нејзиниот изглед на црвениот тепих беше во согласност со официјалниот кодекс на облекување, Доџа Кет го искористи својот настап за да ги прекрши правилата и да го носи она што го сака.