Популарниот српски актер Милош Биковиќ и неговата сопруга Ивана Малиќ на почетокот на годината добија наследник, на кого му го дадоа името Василије.

Милош Биковиќ и неговата партнерка уживаат во родителството, а тоа го поткрепуваат и фотографиите од социјалните мрежи кои секојдневно ги прикачуваат.

Сега Ивана објави фотографија на која Милош ужива во прошетката со синот покрај море. Ивана во описот на фотографијата ставила само емотикон срце.

Да потсетиме, актерот ретко зборува за својот приватен живот, а во една прилика на шега коментираше како се снаоѓа како родител.

– Па, во таа улога човек се остварува додека е жив. Се надевам дека во таа улога ќе се остварувам до крајот на животот. Таа улога се развива. Ќе видиме кога таа комуникација ќе стане малку поинтензивна. Засега таа се сведува на плачење, и мое, и негово – раскажа актерот пред извесно време за родителството и за синот.

Да потсетиме, Милош Биковиќ и Ивана Малиќ се во романтична врска речиси три години.

Актерот за првпат ја претстави својата избраничка пред јавноста на премиерата на филмот „Јужен ветер 2: Забрзување“ („Јужни ветар 2: Убрзање“) во 2021 година.

Оттогаш тие беа на неколку патувања – од уживање на прекрасните плажи на Малдиви до скијање на француските Алпи.

ФОТО | „Некои важни работи“: Милош Биковиќ ја објави првата фотографија со синот Василије

ФОТО | Црвени балони со порака: Милош Биковиќ ѝ направи романтично изненадување на саканата