ФОТО | Мили Боби Браун и Џејк Бонџови станаа родители: Младата двојка реши да посвои девојче!
Холивудската актерка Мили Боби Браун и нејзиниот сопруг Џејк Бонџови станаа родители – славниот пар објави дека преку посвојување ја добиле својата прва ќерка.
Препорачано
„Ова лето ја пречекавме нашата слатка ќеркичка преку посвојување. Пресреќни сме што започнуваме оваа прекрасна нова глава од родителството во мир и приватност. И тогаш станавме тројца. Со љубов, Мили и Џејк Бонџови“, напиша актерката на Инстаграм.
Парот не го откри името на бебето, но нагласи дека сакаат овој период да го поминат далеку од јавниот притисок.
Веста доаѓа петнаесет месеци по нивната венчавка во мај 2024 година. Џејк е син на легендарниот рок пејач Џон Бон Џови.
Браун (21), која светската слава ја стекна со улогата во култната серија „Почудни нешта“ (Stranger Things), неодамна ги заврши снимањата на финалната сезона, која ќе биде емитувана на крајот на 2025 година. Таа сними и трет дел од „Енола Холмс“ (Enola Holmes), како и филмовите „Девица“ (Damsel), „Електричната држава“ (The Electric State) и две продолженија на „Годзила“ (Godzilla).
ФОТО | „Ти сѐ уште си дете“: Мили Боби Браун се сврши со синот на Џон Бон Џови
