марион котијар шанел кан
ФОТО: Профимедиа

ФОТО | Марион Котијар со највпечатливата тоалета на Кан: За сребрениот фустан на оскаровката биле потребни 322 часа

Канскиот фестивал е во полн ек уште од 6 јули, а изданието на француската актерка Марион Котијар од првата вечер на оваа престижна манифестација добро се врежа во нашата меморија… Сигурно дека имаше попомпезни и поубави креации, но се чини дека оваа тоалета е ненадминлива!

марион котијар шанел кан
ФОТО: Профимедиа

Познатиот филмски фестивал во Кан го собра кремот на филмската елита од целиот свет. Сè е во знакот на раскошните тоалети од познатите дами, кои се чини дека оваа година имаат дополнителна инспирација за своите модни изданија. Една од оние што привлече големо внимание беше познатата француска актерка и оскаровка Марион Котијар, која се појави на црвениот тепих во необичен сребрен фустан со интересен крој.

Ремек-дело на „Шанел“

марион котијар
ФОТО: Профимедиа

Котијар ги воодушеви сите во Кан кога се појави во сребрената тоалета. За да се создаде овој необичен фустан биле потребни дури 322 часа. Оваа креација, која ја потпишува модниот бренд „Шанел“, е всушност вистинско мало уметничко дело. „Шанел“ ја претставил гламурозната тоалета на ревијата на високата мода во 2020 година, каде Котијар ја видела првпат, и како што самата рекла, веднаш се зaљубила во креацијата.

„Изгледа како уметничко дело. Кога првпат го видов фустанот, сакав веднаш да го облечам“, рекла Котијар, но поради пандемијата на коронавирусот оваа тоалета морала да почека на своите пет минути.

марион котијар шанел кан
ФОТО: Профимедиа

 

За фустанот се употребени три видови тантела и четири вида завршни елементи, а рефлектирачкиот ефект, кој потсетува на алуминиум, е добиен со помош на силикон, кој е обработен со посебна техника и притоа ставен на бел свилен тул. Убавата актерка верува дека креацијата е уметничка и концептуална, но истовремено и лесна и женствена. Котијар одлично ја опишала креацијата, бидејќи токму таков впечаток ни остави Французинката во оваа комбинација.

марион котијар кан шанел
ФОТО: Профимедиа

Обвинета дека му го растури бракот на Бред Пит

Инаку, актерката покрај забележителните филмски улоги и освоениот Оскар за најдобра женска улога во филмот „Животот во розово“ во 2008 година, вниманието на публиката и пошироката јавност го привлекуваше и со разголените сцени, покажувајќи ни неколкупати дека соблекувањето до крај не претставува никаков проблем, како што беше случај во филмот „Духовите на Исмаил“.

Сепак, еден од најголемите скандали во кои се најде е поврзан со миленикот на жените на Бред Пит и неговиот развод со Анџелина Џоли, за кој некои ја обвинија токму Котијар. Имено, во 2015 година тие заедно го снимија филмот „Тајна врска“, чија премиера беше една година подоцна, токму кога Бред ја објави веста дека се разведува, а надвор од сетот актерите беа прилично блиски, што придонесе за ширењето гласини за неверството.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 100 ДЕНАРИ

Видео на денот