Во понеделник од 18.00 часот нашите најдобри фудбалери во Амстердам ќе го одиграат третиот и последен натпревар од групата „Ц“ на Европското првенство против Холандија.

Македонската А репрезентација ги загуби шансите за пласман во осминафиналето, но против Холанѓаните избраниците на селекторот Игор Ангеловски ветуваат максимална борба до поволен резултат.

Овој меч ќе биде посебен и за најискусниот во составот Горан Пандев кој на денешната прес конференција најави дека дуелот со „лалињата“ ќе му биде последен во својата репрезентативна кариера.

Последен може да биде и за селекторот Ангеловски кој по завршувањето на ЕП му истекува договорот со ФФМ.

Популарните „рисови“ ја почувствуваа и тренираа на „Јохан Кројф“ Арената каде што се надеваме на подобро издание и зошто да не направиме изнедување против едни од фаворитите за највисок пласман на овој шампионат.