Вилата во Малибу, во која живееше Метју Пери и почина на 28 октомври минатата година, е продадена и сега има нов сопственик, пишува „Метро“.

Поранешната резиденција на покојната ѕвезда од серијата „Пријатели“ ја купила филмската продуцентка и инвеститорка од Аризона, Анита Верма-Лалијан за нешто повеќе од осум и пол милиони долари, дознава „Њујорк Тајмс“.

Домот од 3.500 квадратни метри, со седиште во Пацифик Палисадес во Лос Анџелес, првично беше купен од Пери во 2020 година за сума од 6 милиони долари (4,6 милиони фунти).

Модерниот имот со четири спални соби, Анита ќе го користи како викендица во Лос Анџелес.

Да потсетиме, Метју Пери почина на 54-годишна возраст од „акутно дејство на кетамин“. Пронајден е во неговиот двор, во топла када каде се удавил.