На само три дена пред историското крунисување на британскиот крал Чарлс Трети, последното издание на францускиот сатиричен весник „Шарли Ебдо“ излезе со насловна страница со кралот Чарлс и неговите два сина Вилијам и Хари. На карикатурата е прикажан Чарлс како носи кралска облека, а крунисан е со череп со руса коса, кој асоцира на покојната принцеза Дијана.

Принцовите Вилијам и Хари се прикажани како коментираат дека на овој свечен чин ќе биде присутна и нивната почината мајка.

„Чарлс Трети. Успешно крунисување!“, пишува на насловната страница.
„Дури и мама дојде“, пишува над претставите на Вилијам и Хари.