Кошаркарската репрезентација на Македонија по пристигнувањето во Талин, Естонија, попладнево го одработи првиот тренинг во „Саку Сурхал“ Арената каде ќе одигра два натпревари од квалификациите за ЕП 2022 годинa.

Избраниците на селекторот Александар Тодоров на 28. и 30. ноември ќе играат против Италија и Естонија во ноемврискиот „прозорец“ на ФИБА.
На тренингот беше и тТурскиот стручњак за физичка подготовка Ерен Хангун, кој во наредните неколку дена ќе ја одржува кондицијата на нашиот национален тим.

Ова воедно беше и прв официјален заеднички тренинг на новиот „Македонец“ Џејкоб Вајли со останатите соиграчите во репрезентацијата, вклучително и капитенот Војдан Стојановски, кој поради клупски обврски, исто така ги прескокна оние уводни тренинзи во Скопје.