Во чест на нејзиниот 9. роденден денеска е објавена нова фотографија од ќерката на Кејт Мидлтон и принцот Вилијам, принцезата Шарлот Елизабет Дијана, пишува „Дејли мејл“.

Шарло како и претходните години е фотографирана од нејзината мајка Кејт Мидлтон. Принцезата од Велс има традиција јавно да ги одбележи родендените на своите деца со посебни фотографии, чиј автор е таа.

Оваа традиција сега е малку изменета бидејќи роденденскиот портрет не се објавува вечерта пред важниот ден, односно во раните утрински часови, како порано.

Иако сопругата на принцот Вилијам ретко се огласува откако на 22 март објави дека има рак, направи неколку исклучоци како што е денешниот важен ден за нејзиното семејство.

Роденденската фотографија објавена на официјалниот профил на принцот и принцезата од Велс е придружена со посебна порака.

„Среќен деветти роденден, принцеза Шарлот! Ви благодариме за сите љубезни пораки денес”, пишува на Инстаграм профилот на принцезата и принцот од Велс.

Славеничката во јавноста ја немаше од 10 март кога беше објавена спорната слика за Денот на мајката.

Кејт Мидлтон и Вилијам неодамна го прославија и роденденот на нивниот син, принцот Луис Артур Чарлс, кој исто така беше фотографиран од принцезата.

Тие првично одлучија да не објават роденденска фотографија од принцот Луис поради нивните неодамнешни апели за приватност, но се премислија затоа што сакаа да се заблагодарат за желбите испратени до нивниот помлад син.

Кејт Мидлтон се врати на социјалните мрежи: Принцезата сподели емотивна објава, прва откако откри дека има рак