Српскиот пејач Никола Роквиќ на својот инстаграм-профил покажа низ каква трансформација поминал во последните две години.

Прво, Роквиќ за шест месеци успеал да ослабе околу 20 килограми, а му помогнала и хуманитарната мисија што ја помина пеш од Белград до Егина во Грција.

Инаку, пејачот се посвети на здрав начин на живот, а покрај намалената исхрана, спортува и не пропушта тренинзи.

Сега на својот инстаграм-профил сподели фотографии од себе сега и како изгледал пред две години.

Роквиќ сега може да се пофали со мускулесто тело, особено со извајани стомачни, а луѓето во коментарите се восхитуваат на неговата трансформација и го пофалија како изгледа сега.

Да потсетиме, тој годинава пешачеше од Белград до грчкиот остров Егина каде што се поклони на моштите на Свети Нектариј Егински, а целата акција имаше и хуманитарен карактер, бидејќи беа собрани неколку десетици милиони динари за лекување на деца заболени од рак.

Никола преку својот инстаграм-профил редовно ја информираше јавноста за своето патување, а пејачот откри и колку пари собрал на крајот од подвигот.

„Со денешниот ден собрани се 39.355.221 динари“, објави Никола пред три месеци.

ФОТО+ВИДЕО | Никола Роквиќ пешачи низ Струмица кон Грција: Струмичани му подарија ајвар и икона

ФОТО | Никола Роквиќ не мирува: Пејачот откри што прави по враќањето од Егина