Една од најомилените личности на социјалните мрежи, Ева Мендес, одамна се откажа од светот на глумата. Таа во една прилика за странските медиуми откри зошто го направила тоа.

Имено, таа во интервју за „Variety“ истакна дека не е добра актерка и дека улогите не и одговараат.

„Актерките со латиноамериканско потекло деновиве добиваат се повеќе можности, но пред десет години, кога се повлеков од актерството, ситуацијата не беше таква. Возбудливо е што работите сега функционираат поинаку, којзнае што ќе правам во иднина. Сепак, во моментов сакам да бидам дома со моите деца“, изјави актерката во 2022 година.

Денес Ева ужива во семејниот живот, а слободното време ѝ е резервирано за повремени објави на социјалните мрежи. Така таа неодамна објави компилација од атрактивни фотографии на Инстаграм, а имаше и добра причина за тоа.

Пензионираната актерка го прослави својот 51 роденден, а за таа прилика одлучи да направи фотосесија која ја сподели со своите следбеници. На фотографиите, таа носеше црн фустан од лелеав материјал.

Многу корисници на Инстаграм позитивно реагираа на овие фотографии, а во коментарите накратко и порачаа – „убава си, Ева“.

Да потсетиме, Ева долги години е во врска со актерот Рајан Гослинг. Парот има две ќерки кои вешто ги кријат од очите на јавноста.