Нашиот познат оперски пејач Благој Нацоски, кој живее и работи во Италија, во пресрет на денешниот македонски празник Денот на независноста, добил необичен подарок во пицеријата „Кај Луиџи“ во Џенова.

Блескавиот тенор не можел да го сокрие убавото изненадување и задоволството, па позирајќи со „празничната“ пица во раце, го овековечи моментот на Фејсбук.

На пицата се наоѓа македонското знаме, на кое за црвената боја е заслужен најпознатиот македонски деликатес – ајварот.

„Happy Independence Day Macedonia! Вечерва во пицеријата ‘Кај Луиџи’ во Џенова ми направија огромна чест подготвувајќи ми пица со македонското знаме во очи на Денот на македонската независност. Црвената боја од знамето е македонски ајвар. Да ни живее Републиката!“, напишал на Фејсбук пријатно изненадениот оперски пејач.

Нацоски е врвен уметник чии оперски изведби бележат огромни успеси во сите оперски куќи во Италија па и пошироко.

Република Северна Македонија денеска празнува 31 година независност.

ФОТО | Македонско знаме на пица во Италија: Нашиот тенор Благој Нацоски ги импресионира Италијанците со македонскиот ајвар