ФОТО | Испливаа фотографии од жестоката расправија на Џенифер Лопез со Диди, ноќта кога силувал 13-годишно девојче
Неодамна објавените фотографии покажуваат дека раперот Шон Комбс, попознат како Диди, и неговата тогашна девојка Џенифер Лопез се расправаат, ноќта кога тој наводно силувал 13-годишно девојче.
Препорачано
Диди и Џенифер Лопез беа во врска од 1999 до 2001 година, а се скарале на забавата по доделувањето на „Ем-ти-ви ВМА“ наградите во Њујорк.
Фотографиите ги објави „Дејли мејл“ и се направени во ноќниот клуб „Лотус“ на 7 септември 2000 година, истата вечер што е наведена во новата тужба дека Диди сексуално нападнал 13-годишно девојче пред две неидентификувани познати личности.
Diddy and Jennifer Lopez seen having a heated argument in unearthed party photos from the same night Diddy was accused of R*** pic.twitter.com/CmF8dDkNc6
— Karim Jovian (@KJovian) October 30, 2024
„Диди држеше шише шампањ цела ноќ и ги послужуваше гостите. Сите играа и уживаа, но како што одминуваше ноќта растеше тензијата меѓу него и Џеј Ло”, изјавил извор за „Дејли мејл“ кој бил на забавата.
На фотографиите се гледа како Џенифер жестоко се расправа со Диди, а до нив стои нејзината сестра Линда. Причината за расправијата не е позната. Изворот додал дека по расправијата раперот предвреме ја напуштил забавата со Лопез и група девојки.
Потсетуваме дека неодамна беа поднесени неколку нови тужби против Диди, а една од нив е за сексуален напад врз 13-годишно девојче. Лопез не беше именувана во тужбата, иако нападот наводно бил пред очите на две познати личности.
Diddy and Jennifer Lopez seen having heated argument in unearthed party photos from same night he’s accused of raping 13-year-old girl https://t.co/sW02NqCPL4 pic.twitter.com/RDvF28b33d
— Daily Mail Online (@MailOnline) October 30, 2024
Жртвата, која тогаш имала 13 години, отишла на доделувањето на наградите без билет и се надевала дека ќе се прикраде на настанот. Не успеала, се наведува во тужбата, но се сретнала со возачот на Диди, за кој тврди дека ѝ рекол да се врати по церемонијата на доделување награди.
Во тужбата беше наведено дека инцидентот се случил во куќа подалеку од ноќниот клуб. Откако консумирала пијалак, жртвата им рекла дека ѝ се спие и побарала место за легнување. Диди и уште две познати личности, жена и маж, дошле во собата во која таа се одмарала. Диди наводно агресивно и пришол на младата девојка пред сексуално да ја нападне. Се тврди дека неидентификувана машка славна личност исто така ја силувал додека Диди и неименувана славна жена ги гледале.
Раперот ги негираше обвинувањата. Неговите адвокати изјавија дека тој „никогаш не нападнал никого сексуално“ и дека најновите „напливи на пријави“ не се ништо повеќе од „јасни обиди да се привлече публицитет“.
