Инфлуенсерот Кристијан Вилкинс повторно се најде на удар на критики поради фустанот што го носеше на црвениот тепих на австралиските награди АРИА 2023.

Синот на репортерот Ричард Вилкинс, остави малку на фантазијата во проѕирен фустан со боја на кожа.

„Ова не треба да се дозволи на телевизија. Не сакам моите деца да го гледаат ова“, „Можеше да дојде и гол“, „Зошто еден од водителите на АРИА беше речиси гол? се само дел од коментарите на социјалните мрежи.

Сепак, ваквите реакции предизвикаа дебата. Дали фустанот би бил проблем доколку Кристијан беше жена?

„Голиот” фустан е фустан на годината. Сме го виделе на сите, од Рита Ора до Ким Кардашијан до Дуа Липа. И никогаш не моравме да ги исклучиме коментарите на социјалните мрежи поради тоа…

Кристијан е пример за младите луѓе и светилник на надеж дека можете да бидете тоа што сте. Но, иако е познат, влијателен и привилегиран – се чини дека не е безбеден ниту од хомофобија“, пишува австралискиот портал „Њуз.ком.ау“ (News.com.au).

Инаку, Вилкинс е познат по поместувањето на границите на модата и игнорирањето на застарената идеја дека мажите не можат да носат фустани, здолништа или што било друго.