Четирикратниот светски шампион во Формула 1, Макс Ферстапен, го доживеа најубавиот момент во својот живот – стана татко за првпат!

Холандскиот ас и неговата партнерка, Кели Пике, ја добија својата прва ќерка, која одлучија да ја крстат Лили. Радосната вест двојката ја сподели со своите обожаватели преку социјалните мрежи, каде објавија и фотографија со новороденчето.

„Добредојде во светот, нашa слатка Лили. Срцата ни се преполни со љубов – ти си нашиот најголем благослов. Те сакаме повеќе од зборови“, напиша Ферстапен во емотивната порака на својот Инстаграм профил.

Поради раѓањето на ќерката, Ферстапен вчера ги пропушти медиумските активности во пресрет на Големата награда на Мајами, но неговото отсуство беше оправдано – овој пат семејството имаше приоритет.

Среќната вест беше дочекана со голема радост и од страна на фановите, но и од Формула 1 заедницата.

 

View this post on Instagram

 

A post shared by Max Verstappen (@maxverstappen1)