Американската актерка и продуцентка, 50-годишната Ева Лонгорија привлече внимание со својот спектакуларен изглед во неделата во Мадрид на доделувањето на наградите Платино, откако ја освои престижната почесна награда. Лонгорија носеше долг, гламурозен црн фустан со длабоко деколте украсено со скапоцени камења, кое го надополни со дијамантски обетки.

Додека гордо позираше со наградата, доби пофалби и од нејзината колешка Софија Вергара.

„Ева, ти си најдобра и, поради сè што направи со фондацијата за децата и поради другите луѓе на кои им помогна, ја заслужуваш оваа награда“, рече Вергара.

Актерките се блиски пријателки со години и играат клучна улога во промовирањето на латино културата во актерската индустрија. Тие беа назначени и за членови на советодавниот одбор на идниот Национален музеј на американски Латиноамериканци во Вашингтон. Вергара ѝ ја врачи наградата на својата колешка, а Лонгорија не ги криеше своите емоции.

„Голема чест ми е да го добијам ова признание. Обожавам да бидам во Шпанија и се чувствувам среќно и безбедно, како да сум дома. Во Шпанија, секогаш се однесувале добро кон мене и кон целото мое семејство“, рече Лонгорија.

„Откако ја започнав кариерата во Холивуд во 1998 година, сонував гордо да ја претставувам мојата земја и да им оддавам почит на сите жени од латиноамериканско потекло. Ние сме повредни, пострасни и подобри личности, а тоа на светот му е потребно повеќе од кога било“, додаде актерката и рече дека наградата им ја посветува на својот сопруг Хозе Бастон и нивниот син Сантијаго.

 

View this post on Instagram

 

A post shared by Eva Longoria Baston (@evalongoria)