Шпекулациите околу идниот клуб на Кристијано Роналдо дополнително ги подгреа американската телевизија ЕСПН која објави фотомонтажа со која навестува дека најголемите фудбалски ѕвезди на денешницата ќе играат во еден клуб.

На фотографијата Роналдо е во дрес на ПСЖ и покрај него стојат Нејмар, Килијан Мбапе и Лионел Меси.

Кристијано Роналдо најде заеднички јазик со управата на Манчестер јунајтед да не му прави проблеми доколку пристигне понуда за него. „Црвените ѓаволи“ ќе му дозволат на Португалецот да си замине доколку некоја екипа понуди 16 милиони евра, сума која Јунајтед минатото лето му ја плати на Јувентус.

Imagine ? pic.twitter.com/X8spiHjtnq

— ESPN FC (@ESPNFC) July 7, 2022

Агентот на фудбалерот, Жорге Мендеш, на големо го нуди Португалецот на европските екипи, се шпекулираше со негов трансфер во Баерн Минхен, Рома, Барселона, Реал Мадрид, Атлетико Мадрид, но од тоа нема ништо, но медиумите во Франција не го отпишуваат ПСЖ.

Новиот тренер Кристоф Галтие сака во екипата да има уште еден напаѓач, негова желба е тоа да биде Роберт Левандовски, но доколку Полјакот се пресели во Барселона, тогаш шансите Роналдо да дојде на „Паркот на принцевите“ ќе се зголемат.