ФОТО | Ема Стоун шокираше со појавата на црвениот тепих: Фустан полн со пуканки и најкратка можна фризура
Ема Стоун и Дејв МекКари синоќа присуствуваа на јубилејното шоу на американската емисија „Сабота вечер во живо“ (СНЛ) во Њујорк.
Препорачано
СНЛ прослави 50-годишнина, а по тој повод организираше специјална епизода. Актерскиот пар се погрижи да остави најдобар впечаток на црвениот тепих, а тоа го постигнаа со автентични модни изданија.
Оскаровката Ема Стоун за оваа пригода облече гламурозен црвен фустан, а целиот стајлинг немаше да привлече толкаво внимание на јавноста доколку актерката не одлучеше да го надополни со интересни детали.
View this post on Instagram
Креацијата која го носи потписот на француската модна куќа „Луј Витон“ ја красат предимензионирани џебови, а Ема најде начин да ги надополни со – пуканки.
Стоун ставила и интензивен црвен кармин, создавајќи впечатлив монохроматски момент.
Својот стајлинг го заокружила со црвени чевли со високи потпетици и нова фризура во популарниот пикси стил. Оваа фризура беше уште еден шок за јавноста, бидејќи актерката со години негуваше долга коса.
View this post on Instagram
Што се однесува до коментарите на дежурните критичари на социјалните мрежи, имаше најразлични.
И додека некои коментираа дека „не е духовита, туку непријатна за гледање“, други ја поддржаа оваа автентична облека.
„Многу имагинативна и храбра“, „Пуканките во џебовите се совршени за концептот на шоу како СНЛ“, беа само некои од позитивните коментари.
View this post on Instagram
