Гласините за разводот на Џенифер Лопез (54) и Бен Афлек (51) се сè погласни, а американските медиуми објавија дека актерот веќе се иселил од нивниот заеднички дом.

Папараците сега ја снимија двојката во автомобил, а еден детаљ предизвика сомнеж кај обожавателите.

Имено, на фотографијата се гледа како Бен држи мобилен телефон во раката, а на екранот се гледа фотографија од пејачката со натпис „Џенифер Афлек“.

Обожавателите сметаат дека се работи за местенка бидејќи екранот на мобилниот телефон на актерот покажувал дојдовен повик од пејачката, што нема смисла бидејќи таа седела до него во автомобилот.

Дел од нив се убедени дека пејачката намерно му се јавила на сопругот во моментот кога фотографите ги снимале за да покажат дека се е во ред.

Како потсетување, Џенифер Лопез и Бен Афлек се запознаа на снимањето на филмот „Gigli“ на крајот од 2001 година. Тие ја започнаа својата љубовна врска некаде кон средината на 2002 година и како пар добија голем публицитет. Бидејќи беа омилен пар на јавноста, тие беа именувани како „Бенифер“ во медиумските написи.

Лопез ја објави првата свршувачка со актерот во ноември 2002 година, кога Афлек ѝ даде шест-каратен розов дијамантски прстен во вредност од 1.200.000долари. За жал, тие ја откажаа венчавката која беше планирана за 14 септември 2003, а на почетокот од 2004 година го објавија и крајот на нивната свршувачка.

Според многумина, видеозаписот за песната „Jenny from the Block“ на Џенифер Лопез, а во кој се појавува и Бен Афлек, е легендарен и претставува важен сегмент од американската поп-музика од тој период.

Тие стапија во брак по вторпат во јули 2022 година во Лас Вегас.