Популарниот пејач Џастин Бибер (31) повторно привлече внимание на социјалните мрежи со провокативни објави. Тој сподели фотографии и видеа на кои се вози на електричен тротинет низ шумски патеки, облечен само во долна облека.

На снимките Бибер е насмеан, а објавата ја проследи со новата песна „Speed Demon“ од албумот „SWAG II“, кој излезе минатиот викенд. За само неколку часа фотографиите собраа повеќе од милион допаѓања.

 

View this post on Instagram

 

A post shared by Justin Bieber (@lilbieber)

Ова не е првпат пејачот да се појави разголен на интернет. Деновиве тој објави и фотографии на кои позира само во бели гаќи, накит и компресиска чорапа, а неодамна предизвика реакции со снимка во која во рацете го држи едногодишниот син Џек Блуз, повторно во долна облека.

Бибер и неговата сопруга, манекенката Хејли Бибер, се венчаа во 2018 година, а во мај 2024 ги обновија брачните завети на Хаваи. Во август минатата година го добија синот Џек, кој неодамна го прослави првиот роденден. Хејли во интервју за „Вог Италија“ зборуваше за предизвиците по раѓањето на детето и за гласините за проблеми во бракот, нагласувајќи дека „животот под постојан притисок и невистини на интернет е навистина тежок“.