ВИДЕО | Дваесет и седум години по секс-скандалот со Бил Клинтон: „Најпознатата љубовница на светот“ изгледа неверојатно!
Моника Левински беше ангажирана како практикант во Белата куќа во 1995 година и не ни сонуваше дека ќе ја нарекуваат „најпознатата љубовница на светот“ во текот на целиот живот. Таа е писателка и активистка, а денес се издвојува како еден од водечките гласови на движењето „MeToo“ и борбата за правата на жените, но сепак, многумина сè уште ја паметат како „најпознатата љубовница на светот“ поради аферата со поранешниот американски претседател Бил Клинтон.
Препорачано
Моника отворено проговори за своето искуство во интервјуто со Стивен Колберт, зборувајќи за траумите кои ги претрпела и начините на кои денес се справува со своето минато.
Водителката ја праша дали би сакала тогаш да постоеа социјалните мрежи, на што таа кратко одговорила: „Не“.
Оваа едноставна изјава открива колку тешко и било искуството, бидејќи медиумскиот линч што следел по обелоденувањето на аферата бил огромен. Моника призна дека целиот процес бил длабоко личен и дека сега, гледајќи ги промените што се случиле во општеството, се чувствува послободна бидејќи конечно имала можност да ја каже својата страна од приказната.
View this post on Instagram
„Беше тоа лично искуство, бидејќи она што го поминав сама, го поминав на многу начини, а сега гледам како жени се здружуваат за други жени“, рече таа, нагласувајќи како станала свесна за важноста на поддршката и солидарноста меѓу жените.
Моника сега води свој поткаст и е активно вклучена во застапувањето за општествени промени. Дополнително, таа е силен поддржувач на движењето „MeToo“, кое се бори да ја подигне свеста за сексуалната злоупотреба и вознемирување. Нејзиниот ангажман на ова поле беше препознаен од бројни корисници на социјалните мрежи, кои ја пофалија за нејзината храброст и искреност.
Иако поминаа речиси 30 години од аферата, Моника сè уште го носи тешкиот „прекар“ кој и го запечати животот. Во Белата куќа дошла во 1995 година како практикант, а пред скандалот да му биде откриен на целиот свет, била префрлена во Пентагон затоа што чувствувале дека „поминува премногу време со претседателот“.
Аферата која ја шокираше јавноста во 1998 година, кога на светот му стана познато дека имала интимна врска со Бил Клинтон, значително се одрази на нејзиниот живот. Како што подоцна откри, таа имала девет пати односи со Клинтон, сите среде Белата куќа. Иако Клинтон беше ослободен од сите обвиненија, скандалот имаше долгорочни последици за Моника, која долго време беше настрана, често напаѓана и исмејувана.
