Аријан Адеми повеќе нема да биде дел од Динамо Загреб, откако хрватскиот фудбалски гигант официјално се збогуваше со македонскиот репрезентативец преку емотивна објава на социјалните мрежи.

Адеми заминува како најтрофејниот фудбалер во историјата на клубот, со вкупно 24 титули, 13 во првенството, седум во Купот на Хрватска и четири Суперкупа. Во дресот на „модрите“ запиша 430 официјални настапи, што го поставува на второто место по број на одиграни натпревари во историјата на клубот.

„Драг Аки, ти благодариме за сѐ и среќно во новиот предизвик. Вратата на твојот Динамо секогаш ќе ти биде отворена“, напишаа од клубот во објавата на социјалните мрежи.

Според информациите од хрватските медиуми, следна дестинација на Адеми ќе биде унгарскиот прволигаш Ујпешт, каде што треба повторно да соработува со поранешниот тренер на Динамо, Дамир Крзнар.

ВИДЕО | Стефан Ристовски веќе не е фудбалер на Динамо Загреб