Девојчето Алесандра Бономи стана првата личност со Даунов синдром која самостојно ги извршуваше должностите собирач на топки на АТП натпревар, на турнирот „Барселона опен“.

🇪🇸BALL KID WITH DOWN’S SYNDROME MAKES TENNIS HISTORY

The Barcelona Open just aced the rest of pro tennis.

Alessandra Bonhomi became the first ball kid with Down’s syndrome to work an ATP match solo – and she nailed it.

While others talk about inclusion, Barcelona actually did… pic.twitter.com/zdtZHyN3Yh

— Mario Nawfal (@MarioNawfal) April 19, 2025

Вчера, за време на четвртфиналниот меч во машки двојки на теренот „Андрес Гимено“, Бономи успешно ги заврши сите задачи, со аплауз од присутните гледачи и бројни пораки за поддршка на социјалните мрежи, објави „Ројтерс“.

Зад нас има многу труд. Тоа беше идеја која некогаш беше сон, но денес е реалност“, изјави Марк Висиедо, координатор на собирачите на топки на „Барселона опен“, на официјалната веб-страница на турнирот.

Организаторите истакнаа дека овој гест е доказ дека, како што наведоа, со труд и поддршка лицата со попреченост можат да постигнат големи цели.

„Ова му покажува на светот дека секој, без оглед на пречките, може да го постигне она што го сака преку само-подобрување и напорна работа“, додаде Висиедо.