Една од најатрактивните жени на светот и најпопуларните манекенки на денешницата Ирина Шајк (38) ги воодушеви своите над 23 милиони следбеници со фотографии од детството и тинејџерските денови.

Таа покажа како изгледала како 16-годишна девојка додека седела на мотор, а со своите следбеници сподели и фотографија кога имала само неколку години. На третата фотографија ја покажа и својата мајка Олга, а следбениците ѝ пишаа дека многу личат една на друга.

– Секој Русин го имаше овој тепих на ѕидот – напишаа следбениците, алудирајќи на фотографијата на која манекенката позира со својата мајка, додека во позадина се гледа дезенот на тепихот на ѕидот.

Ирина е Русинка по раѓање, таа е родена на 6 јануари 1986 година во Јеманжелинск, а нејзиното целосно име е Ирина Валериевна Шајхлисламова. Започнала да се занимава со манекенство во 2004 година во Москва, а две години подоцна се преселила во Париз и постепено постигнува меѓународен успех.