Српската фолк пејачка Светлана Цеца Ражнатовиќ синоќа одржала концерт во Римини, Италија.

Пејачкатата се појавила пред преполниот клуб кој бил распродаден во рекордно време и исполнет до последното место, а ова е нејзин втор концерт по ред во таа земја.

Како и секогаш видно расположена, позитивна и нестрплива за средба со публиката, Цеца ги надминала очекувањата на присутните. Таа се појавила во шик издание, во црн краток фустан, кој од едната страна имал извезено огромен пердув со циркони, косата ѝ била малку поткрената, а со добрата енергија со која се вооружала, целосно ја хипнотизирала публиката.

Публиката скандирала на Цеца и заедно со неа ги пеела нејзините најголеми хитови, па не е чудно што пејачката ја напуштала Италија полна со прекрасни впечатоци.

Пред Римини, Цеца одржала концерти во Бугарија и Словенија во претходниот период и продолжува во истиот тон да ја освојува својата публика која е желна за нејзините песни.

Новосадската публика особено се радува на тоа, бидејќи Цеца пред Нова година ќе ги почести со два концерта во Спенс.