Актерката Блејк Лајвли и манекенката Џиџи Хадид се појавија за премиерата на филмот „Дедпул и Волверин“ во понеделникот во Њујорк.

Тие дојдоа како поддршка и тоа модна, за Рајан Рејнолдс и Хју Џекмен. Имено, Лајвли и Хадид се појавија во необични модни комбинација налик на костими за маскенбал.

Актерката Лајвли, која со години е во брак со Рејнолдс и заедно имаат четири деца, се одлучи за комбинезон кој потсетува на неговиот костим во филмот.

Според „Пејџ сикс“ се работи за комбинезон од „Версаче“, украсен со црна чипка. Покрај тоа, таа искомбинира чевли со високи потпетици и мала црна чанта која личи на окови. Долгата руса коса ја врза во уредно високо опавче.

blake lively and gigi hadid attend the ‘deadpool & wolverine’ new york premiere pic.twitter.com/6JrtaaPs5x

— 2000s (@PopCulture2000s) July 23, 2024

Хадид, пак, му оддаде почит на ликот на Џекмен, Волверин, и облече жолта кратка маичка-топ од „Миу Миу“, кој наликува на марама, и го искомбинира со жолто здолниште со низок струк. Што се однесува до накитот, Хадид се одлучи за поголем златен ѓердан и големи алки. Целата комбинација ја комплетира со црни потпетици и жолта чанта.

А главните ѕвезди на филмот? Рејнолдс и Џекмен се одлучија за елегантна и едноставна комбинација, актерите се појавија во црни одела.

Четворицата не пропуштија да се фотографираат заедно, а изгледа многу се забавувале со чудните модни комбинации на Блејк и Хадид.

ВИДЕО | Кејт Мидлтон има рак, принцезата е подложена на хемотерапија

ФОТО | Бела Хадид конечно се огласи за конфликтот меѓу Израел и Хамас: Не можам повеќе да молчам