Македонскиот рапер Христијан Тасковски – Таско и неговата сопруга Наташа повторно станаа родители во септември годинава, кога на свет пристигна нивната ќерка Кирјана.

Да потсетиме, Таско и Наташа стапија во брак пред две години, а минатата година во мај направија црковна венчавка и свадбена прослава. Тие го добија синот Лукијан во јуни минатата година.

Сега, откако девојчето наполни 40 дена, Таско ги објави првите фотографии од ќерката.

„Добредојде Кирјана! По долгото чекање и исполнети срца, нашето најмалечко конечно е тука да ни ги разубави деновите и да ни донесе уште повеќе љубов и топлина во животот.

Благодарни сме за љубовта што ја добивме од семејството и пријателите и со нетрпение очекуваме да ја споделиме оваа нова авантура со вас сите. Нека ова патување биде исполнето со насмевки, здравје и благослови за сите нас“, напиша раперот во описот.