Во неделата се одржа 76. издание на американските телевизиски награди Еми, кои важат за телевизиски еквивалент на Оскарите. Многу имиња од телевизиската индустрија, вклучувајќи глумци, режисери и сценаристи, присуствуваа на овој престижен настан, кој се случи во театарот „Пикок“ во Лос Анџелес.

Оваа година најголемо внимание привлече актерката Џенифер Анистон, која на престижниот настан пристигна во тесен фустан со бисери. Според модните критичари, најголемо внимание привлече актерката Џенифер Анистон, која пристигна во тесен фустан со бисери, кој го искомбинира со едноставен накит.

Анистон беше номинирана за најдобра женска улога во серијата „Утринската емисија“ („The Morning Show“).

Младата актерка Селена Гомез ги истакна своите облини во тесен црн фустан со сребрени детали. Комбинацијата ја надополни со дијамантски накит, а косата ѝ беше пуштена надолу.

Гомез ја има главната улога во „Само убиства во зградата“ („Only Murders in the Building“), која беше номинирана за најдобра хумористична серија.

Завидна фигура покажа и Софија Вергара, која се појави во црвен фустан со длабоко деколте, дополнето со едноставен накит.

Таа беше номинирана за својата улога во серијата „Гризелда“ („Griselda“).

Меѓу најдобро облечените на годинашните награди Еми беше и Дакота Фенинг, која пристигна во златен фустан со бисери како детали.

Актерката беше номинирана во категоријата најдобра споредна женска улога во серијата „Рипли“ („Ripley“).

Многу познати дами се одлучија за црни модни комбинации. Меѓу нив беше и познатата Рис Витерспун, која носеше црн фустан од тул украсен со бел цветен дезен.

Џилијан Андерсон, Ела Пернел и Никола Кофлан се одлучија за сребрени фустани, додека Кристен Виг и Кендис Берген носеа златни креации.