Надица Георгиева е една од најубавите жени во Македонија, а кога станува збор за годините, времето за неа како да застанало. Некогашната Мис на Југославија, и една од најуспешните модели на деведесеттите го прослави својот 55-ти роденден, си замисли желба и ги дувна свеќичките на тортата.

– Благодарност до сите. На 55 години прифатете го вашето лудило – напиша Надица на објавата на социјалните мрежи.

Инаку Надица Георгиева, и денес се синоним за македонската мода и манекенство. Пред 20 години заедно со еден од најпознатите модели кај нас Алек Наумовски ја формираа агенцијата „Моделс ИН“. Идејата беше да им помогнат на македонските модели да изградат светска кариера. Иако патот до остварување на целта не бил лесен, тие успеаја да го исполнат ветувањето и сонот на многу млади модели кои и денес се дел од светските модни писти.

Поранешната мис на Југославија, денес е во брак со музичкиот продуцент Иво Јанковски, а како што своевремено изјави, бракот со Иво ѝ е најубавото нешто што ми се случило на љубовен план.