Манекенката Бела Хадид предизвика загриженост меѓу нејзините обожаватели со својот изглед. Имено, таа беше забележана во Париз, за време на снимањето на серијата „Убавината“ (The Beauty), а нејзината витка линија стана предмет на дискусија на социјалните мрежи.

„Еве што се случува кога мајка ти ти вели да изедеш неколку бадеми ако си гладен“, „Не можам да го пребродам новиот моден циклус на изгладнети тела и ниски фармерки“, „Буквално, можеме да ѝ ги изброиме ребрата – делува болно!“, „Не сакам да звучам злобно, но овие фотографии се загрижувачки“, се дел од коментарите на Инстаграм.

Многумина спомнаа и нарушувања во исхраната како анорексија или дури и зависност.

„Изгледаше како да се опоравила, што се случи?“, „Не можеме да го нормализираме ова“, „Ми здодеа од овие шетачки реклами за нарушувања во исхраната“, „Нема ништо здраво кај неа“, „Ова е веќе клинички случај“, коментираат тие.

Да потсетиме дека Хадид претходно ја коментираше својата фигура за „Пипл“: „Слабев и се здебелив. Мојата тежина постојано се менува. Не ослабев намерно. Сакам да имам гради и сакам да имам задник. Но, не сум јас виновна“. Таа додаде дека тренира по три часа секој ден.