На денот на нивната 20-годишнина од бракот, кралот Чарлс и кралицата Камила, кои се во официјална посета на Италија, накратко се разделија. Додека кралот имаше средба со премиерката Џорџа Мелони, кралицата го посети училиштето поврзано со иницијативата на Британскиот совет.

Чарлс се сретна со италијанската премиерка во вилата Памфили, а таа во улога на домаќинка се појави во елегантно бело одело, совршен пример за модерен кралски изглед.

Изданието што го избра Мелони се состои од сако со странични џебови, украсени со ракави од тантела, од дизајнерот Ерман Скервино и класични панталони. За да ја издолжи фигурата избра бели чевли со висока и тенка потпетица.

Изгледот на премиерката го следи нејзиниот стил на „деловна жена“, кој одлично го дели со, на пример, Кејт Мидлтон, која го популаризираше костумот со панталони на англискиот двор, модна комбинација која некогаш беше забранета во палатата.