Позната актерка Анџелина Џоли, на социјалната мрежа Инстаграм отвори личен профил, а помалку од 24 часа ја заследија повеќе од 5 милиони луѓе.

На оваа социјална мрежа можеа да се сретнат бројни фан страни посветени на актерката, но овој пат актерката отвори свој профил, но не да се фотографира во костим за капење или да рекламира козметика.

Актерката, хуманитарка и добитничка на Оскар, својата прва објава ја посвети на моменталната ситуација во Авганистан, бидејќи многу Авганистанци бараат безбедност од талибанците по повлекувањето на американските војници.

„Ова е писмо што го добив од тинејџерка од Авганистан. Во моментов, Авганистанците ја губат способноста да комуницираат на социјалните мрежи и способноста слободно да се изразуваат. Затоа дојдов на Инстаграм за да ги споделам приказните и гласовите на оние кои се борат за нивните основни човекови права“, стои во објавата на Анџелина проследена со фотографијата од рачно напишано писмо.

 

View this post on Instagram

 

A post shared by Angelina Jolie (@angelinajolie)

„Бев на границата со Авганистан две недели пред 11 септември, каде што се сретнав со авганистански бегалци кои бегаа од талибанците. Тоа беше пред 20 години. Мачно е да се гледа како Авганистанците повторно бегаат од страв и неизвесност што ја зафатија нивната земја. Толку време и пари, пролевање крв и губење животи само за да се повтори, е речиси невозможно да се разбере. А знаат дека доколку имаат услови, може да направат многу за себе. И да се запознаат толку многу жени и девојки кои не само што сакаа образование, туку и се бореа за тоа. Ќе продолжам да барам начини да помогнам. И се надевам дека ќе ми се придружите“, порача Анџелина.

Џоли е еден од најголемите промотори на добротворни акции и амбасадор на канцеларијата на високиот комесаријат за бегалци на Обединетите нации (УНХЦР).