ФОТО | „АББА“, 50 години потоа: Како женскиот дел преживеа големи трагедии, разводи, распад на групата…
Поминаа речиси 50 години од феноменот наречен „АББА“. Секој од четирите члена на легендарната група има своја необична приказна.
„АББА“ не е само музичка група што ги одбележа седумдесетите години од минатиот век – тоа е цела ера на музика со која пораснаа генерации луѓе.
Препорачано
Ани-Фрид Лингштад
Некогаш шармантната бринета Ани, денес има 75 години. Кога беше млада и кога беше член на популарната група „АББА“, поради нејзиниот глас и сјајните очи, мажите ширум планетата го губеа умот.
Бени Андерсон, нејзиниот партнер во групата, не беше нејзиниот прв сопруг, но публиката ги обожаваше двајцата. Меѓутоа, нивната љубов не беше доволно силна. По распадот на групата, Ани отиде прво во Англија, а потоа во Швајцарија, за повторно да се омажи во 1992 година. Нејзината нова љубов беше принцот Хејнрих Рутсто Раис фон Плауен, на кого Ана му роди ќерка.
Но, Ани немаше среќа. Шест години подоцна се случи голема трагедија во која загина нејзината ќерка, а во 1999 година нејзиниот сопруг почина од рак. Ани денес е сама. Живее во Швајцарија и се занимава со хуманитарна работа.
Агнета Фaлтског
Спектакуларната и сексапилна русокоса Агнета во групата „АББА“ спои две добри работи: креативност и љубов. Со нејзиниот избраник Бјорн, имаше четири среќни години од животот во кои добија ќерка. По тој период, парот се разведе, а Агнета повторно се вљуби. Овојпат, нејзината љубов беше доктор, но и таа врска се распадна по четири години.
Што се однесува до музиката, Агнета се обиде со соло кариера, но без многу успех. Во тој период почина нејзиниот татко, а потоа нејзината мајка почина од тага заради загубата. Пејачката беше скршена од болка заради семејната трагедија.
Сега Агнета има 71 година и живее во Стокхолм. Мир и среќа најде во близина на своите внуци.
Бени Андерсон
Бени целиот свој живот го посвети на музиката, а по распадот на бендот се обиде да формира дует со Бјорн, но безуспешно. Долго работеше во продукција, пишуваше музика за филмови и важни настани, па дури формираше и оркестар. Има две деца од првиот брак: син и ќерка родени во шеесеттите години. По раскинувањето со Ани и распаѓањето на групата, се ожени со ТВ-водителка. Во тој брак добија син, кој денес е популарен музичар. Бени сега има 74 години.
Бјорн Улвеус
По раскинувањето со Агнета и распаѓањето на групата, Бјорн најде љубов покрај Лена, новинарка која својата кариера ја посвети на пишувањето за музика и за музичари. Во тој брак, добија две ќерки. Денес, Бјорн има 76 години и живее во Стокхолм. Тој е многу почитуван во својата земја.
