Експанзијата на коронавирусот и стравот од финансиски загуби ги натера големите филмски студија да ја откажат премиерата на своите блокбастери.

Не долго откако од „MGM“ пристигна веста за одложување на премиерата за новиот филм за Џејмс Бонд „Нема време за умирање“ за април 2021 година, „Universal Pictures“ деветиот дел од популарната франжиза „Брзи и бесни“ исто така го одложи за мај наредната година.

„Warner Bros“ и „Legendary Pictures“ го одложија и „Dune“ за октомври 2021 година, а сега е одложена и премиерата за новиот филм за „Бетмен“, кој од 2021 година е поместен за 2022 година.

Од другата страна „Wonder Woman 1984″ се уште не е одложен и според досегашните сознанија, тој најверојатно ќе ја има својата премиера во декември оваа година.