Сакам да бидам пример и да ги уверам граѓаните дека кинеските вакцини се безбедни и затоа ќе дадам личен пример. Ќе се вакцинирам следната недела, најави министерот за здравство Венко Филипче на својот Фејсбук профил. 

Филипче додаде дека сите вакцини се безбедни и ги повика граѓаните да се вакцинираат, без разлика на тоа која вакција е достапна во моментот. 

– Сите вакцини се безбедни, па затоа нема потреба да се става акцент на тоа да се бира вакцина, бидејќи сите се со еднаков квалитет. Каква вакцина има во пунктот во тие часови кога е предвидено да се вакцинираат граѓаните тоа да го направат без да бидат загрижени и да размислуваат дали да се вакцинираат со една или со друга вакцина – додава Филипче во објавата на социјалните мрежи.