Министерот за здравство, Венко Филипче, по оставката на неговиот заменик Муса, рече дека ги осудува сите случаи во кои се зема пари за интервенција. Вели дека тоа не е начин да се функционира во било кој систем, ниту во здравствениот.

– Секаде има санкции за таквите постапки. Се обидуваме со сите наши мерки да ги стимулираме лекарите, со зголемување на платите, на дежурствата и со таа тенденција и со тие политики ќе продолжиме и во иднина – изјави министерот за здравство, Венко Филипче.

Вели дека функционерите треба да имаат неселективен пристап без разлика на функциите кои ги имаат

– Институциите треба да си преземат санкции доколку сметаат дека за тоа има простор за кого било, вели Филипче.