Со трката во Австралија на 16 март започнува новата сезона во Формула 1 која ќе трае до 7 декември кога се вози последната во Абу Даби.

Пред почетокот на сезоната откриени се и платите на возачите во најбрзиот караван во светот.

На врвот помеѓу возачите се најде актуелниот шампион Макс Ферстапен со плата од 65 милиони евра годишно. Ферстапен оваа сезона ќе се обиде да дојде до својата петта титула во низа.

Зад Холанѓанецот е Луис Хамилтон кој ќе ја вози својата прва сезона во болидот на Ферари откако го напушти Мерцедес. Британецот во италијанскиот тим ќе вози за плата од 60 милиони долари.

Далеку на третата позиција на оваа листа е тимскиот колега на Хамилтон, Леклер со плата од 34 милиони долари, а по него во топ пет се уште Фернандо Алонсо и Ландо Норис со по 20 милиони долари.