Актуелниот шампион во Формула 1, Макс Ферстапен ќе стартува од пол позицијата на Големата награда на Бахреин, прва трка во новата сезона.

Возачот на „Ред Бул“ извозе најбрз круг од 1:29.708 минута на патеката „Сахир“ и беше најдобар во квалификациите по 21 пат во кариерата.

Неговиот тимски колега Серхио Перез ќе стартува од втората позиција, а зад двајцата возачи на Ред Бул на стартот ќе бидат Шарл Леклер и Карлос Саинц во болидите на Ферари.

Фернандо Алонсо го постигна петтото најбрзо време во квалификациите, а зад него ќе бидат членовите на Мерцедес Џорџ Расел и Луис Хамилтон. Во првите 10 се пласираа и Ленс Строл (Астон Мартин), Естебан Окон (Алпина) и Нико Хулкенберг (Хаас).

Трката за Големата награда на Бахреин започнува во недела од 16.00 часот.

PROVISIONAL CLASSIFICATION

Here's how everyone crossed the line in our first qualiying session of the season!#BahrainGP #F1 pic.twitter.com/tUOEzkNvjW

— Formula 1 (@F1) March 4, 2023