После високиот пораз на Работнички во понеделникот, денеска убедливо загуби уште еден македонски претставник во квалификациската група „Е“ на ФИБА Еврокупот.

Во своето премиерно излегување во Европа, кошаркарите на Феникс 2010 со резултат 60:107 (13:19, 21:29, 17:40, 9:19) беше совладан од домаќинот, кипарскиот Керавнос во Никозија.

Играчите на тренерот Денис Дервишевиќ имаа рамноправна прва четвртина, но веќе во втората нивните ривали направија „двоцифрена“ разлика за на пауза да заминат со предност од 48:34.

Во третата четвртина како да постоеше само една екипа на паркетот, бидејќи Керавнос постигна дури 40 поени, а прими „само“ 17.

Сè до крајот на мечот беше само рутина, за Феникс 2010, К. Стивенс имаше 14 поени (пет скокови), а 11 запиша Џ.Е. Рис. На спротивната страна Ш. Рејнолдс се истакна со 17 поени (10 асистенции), а еден поен помалку имаше Т. Тејлор (девет скокови).

Нов меч Феникс 2010 ќе има в среда од 18.00 часот против германскиот Рошток.