Фенербахче замената за Обрадовиќ ја најде во Србија, Кокошков нов тренер
Селекторот на кошаркарската репрезентација на Србија се договори со челниците на турскиот клуб и во наредните три години ќе биде тренер на Фенербахче.
Кокошков минатата сезона беше главен тренер на НБА тимот Феникс санс, а сезонава е помошен тренер во Сакраменто кингс, а во меѓувреме го наследи Александар Ѓорѓевиќ на клупата на репрезентацијата на Србија.
Препорачано
Игор Кокошков беше резервно решение за челниците на Фенербахче, но откако главната мета Шарунас Јасикевилиус утрово се согласи да го презеде кормилото на Барселона, од турскиот тим реагираа експресно и се договорија со српскиот стручњак.
beIN SPORTS SON DAKİKA: Fenerbahçe Beko, Sırp koç Igor Kokoskov ile üç yıllık anlaşmaya vardı.
— İsmail Şenol (@ismailsenol) July 2, 2020
Најголемиот успех во тренерската кариера на Кокошков е триумфот со Словенија на Европското првенство 2017 година.
Тој на клупата ќе го наследи Жељко Обрадовиќ кој по седум години одлучи да се повлече и да си земе едногодишен одмор од кошарката.
