Федералниот суд во Калифорнија пресуди дека администрацијата на американскиот претседател Доналд Трамп го прекршила федералниот закон со распоредувањето на активен персонал на Националната гарда и Морнаричкиот корпус во Лос Анџелес ова лето како одговор на протестите против имиграциските политики, пренесе Си-Би-Ес Њуз.

Половина од Националната гарда распоредена во Лос Анџелес се повлекува

Судијата Чарлс Брејер, во пресуда од 52 страници, оцени дека со тоа е нарушен Законот од 1878 година, кој забранува употреба на војската за спроведување на домашното право. Сепак, тој истакна дека администрацијата може законски да користи трупи за заштита на федерален имот.

Судијата одложи стапување во сила на забраната до 12 септември, оставајќи простор администрацијата на Трамп да поднесе жалба пред Апелациониот суд.

Пресудата следи по тридневното судење во случајот покренат од гувернерот на Калифорнија, Гевин Њусом, во јуни оваа година.