Федералната санитарна инспекција забрани увоз на пратка од 600 детски кукли Мики Маус со потекло од Кина на царинскиот пункт Мостар – Родоч, поради неисполнување на условите за увоз, соопшти Федералната управа за инспекциски работи, објави Кликс.ба.

Во процесот на инспекциски надзор при увоз на предмети од општа употреба чие царинење се врши на царинското место Мостар-Родоч, земени се мостри од контролираниот производ, при чија хемиска анализа е утврдено дека не соодветствува на одредбите од Правилникот за условите во однос на здравствената способност на предметите од општа употреба што можат да се пуштат во оптек.

Согласно одредбите од Законот за здравоста на прехранбените производи и артиклите за општа употреба, забранет е увоз на контролирана пратка со вкупна тежина од 120 килограми и се наредува да му се врати на испраќачот или да се уништи во пропишан начин во случај да не е можно враќање, се наведува во соопштението.