Италијанско – британскиот бренд за машка облека „ЏорданЛука“ (JordanLuca) креираше пар фармерки наречени Stain Stonewash со темна дамка во пределот на меѓуножјето. Фармерките го направија своето деби на модната недела во Милано и брзо станаа вирален хит, а многумина ги опишуваа како „измочани фармерки“.

Имено, стратешки поставениот потемен дел од фармерките многу потсетува на непријатниот момент, но се чини дека тоа само ја зголеми нивната популарност бидејќи тие се веќе распродадени на веб-страницата на брендот. Ни помалку ни повеќе чинат 750 евра, а со снижување продажба 567. И доаѓаат во две бои на тексас.

Но, не грижете се, ако навистина ги сакате, можете да се регистрирате и тие ќе ве известат кога ќе се вратат на залиха.