Од претходно веќе објавивме дека Абердин за рекордни седум милиони фунти ќе го продаде еден од своите најдобри играчи изминатите две години, Бојан Миовски.

Македонскиот фудбалски репрезентативец од следната сезона ќе игра во дресот на шпанскиот клуб Жирона кој беше вистински хит минатата сезона во Ла Лига освојувајќи го третото место зад Реал Мадрид и Барселона и воедно обезбеди пласман во групите на Лигата на шампионите.

Сега и добро познатиот новинар за фудбалски трансфери, Фабрицио Романо потврди дека нашиот напаѓач оди во Жирона.

?⚪️?? Bojan Miovski to Girona, here we go! All set to get deal sealed for fee in excess of €8m package.

Miovski wanted to play Champions League football and he wanted the move to Girona.

New striker for Michel. pic.twitter.com/BAViiJVPIA

— Fabrizio Romano (@FabrizioRomano) August 12, 2024

– Бојан Миовски во Жирона. Сè е подготвено за договорот вреден осум милиони евра. Миовски сакаше да игра Лигата на шампионите и сакаше да се пресели во Жирона. Нов напаѓач за тренерот Мичел – стои во објавата на Романо.

Новата сезона во шпанското првенство ќе стартува за три дена, на 15 август во првото коло Жирона ќе гостува кај Реал Бетис.

Жрепката за групите на Лигата на шампионите за сезоната 2024/25 ќе се одржи на 29 август во Монако.