Празникот Ноќ на вештерките или Халовин се одбележува денес, 31 октомври, а мислењата за овој празник се поделени во нашата земја. Во Америка, Халовин е вистинска атракција. Зошто да не уживаме и ние?

Без оглед дали го славите или не, Ноќта не вештерките е одличен ден за вашето дете да го маскирате и заедно да лудувате со него. Дајте и дозвола на вашата имагинација и создадете евтина но уникатна маска за овој празник.

1. Црна мачка

Облечете го детето во црни пантолони и црна маичка, а од картон направете два тријаголници кои ќе ги залепите на венче со цел да стимулирате уши. На носето нацртајте му тријаголник со црно моливче за очи, а потоа нацртајте му и бркови. Позади во пантолоните ставете му долга црна хулахопка која можете да ја наполните со нешто со цел да претставува опашка.

2. Робот

Сигурно во домот имате кутии кои не ви се потребни, а од кои можете да направите костим робот. Исфарбајте ги кутиите во сребрена боја и украсете ги со пластични капачиња од шишиња и копчиња.

3. Полжав

Кафена креп хартија завиткајте ја така што ќе стимулира куќичка од полжав на која ќе прицврстите две траки така што вашето дете куќичката ќе може да ја носи како ранче. На венче прицврстете два рога кои претходно сте ги направиле од картон.

4. Инструкторка по аеробик

Хеланки, греачи, патики, маица и трака околу челото е се што ви е потребно за оваа маска.

5. Дух

Можеби наједноставната маска за која ви е потребна бела ткаенина на која ќе и направите дупчиња на местата за очите. Можете и со белило да го избелите вашето дете и да му ја истапирате косата која исто така ке ја побелите и цело ќе го облечете во бело.

Уживајте во овој празник, кој ви дозволува да се претворите во нешто, маскирајте се, земете го вашето дете со вас, посетете ги трговските центри кои имаат отворена забава по повод овој празник и лудувајте. Понесете слатки и бонбончиња со вас, делете им на минувачите или на другите маскирани дечиња. На Халовин се ви е дозволено!