Специјалниот пратеник на Доналд Трамп за Украина Кит Келот, на прашањето дали Европа ќе учествува во мировните преговори за мир во Украина, вели дека „тоа нема да се случи“.

-Можеби звучи лошо, како гребење на креда по табла, но ви кажувам најискрено. И на моите европски европски пријатели би им рекол да се приклучат кон дискусијата, не со жалење дали ќе бидат на маса или не, туку со конкретни предлози за зголемување на трошоците за одбрана, рекол тој.

Претседателот на Украина Володимир Зеленски претходно предупреди дека Европа може да биде исклучена од преговорите.

САД побараа од европските земји да предложат какви безбедносни гаранции можат да придонесат за Украина, изјавија четири европски извори, јави ФТ. Изворите рекоа дека САД испратиле документ во кој се поставуваат прашања за можните придонеси од војниците, додека два извори велат дека документот бил испратен претходно оваа недела.

„Фајненшл тајмс“ најпрвин објави дека Вашингтон побарал од европските сојузници информации за оружје, мировните сили и безбедносните аранжмани за Украина. „Планот очигледно е да се види како европските сојузници гледаат на можната рамка за преговори за ставање крај на конфликтот и евентуален ангажман на Европа и САД“, рече европски дипломат запознат со документот.

Документот вклучува шест прашања за сите членки на ЕУ, од кои едно се однесува конкретно за членката што го прима документот, рече дипломат.

Украинскиот претседател Володимир Зеленски денеска повика на создавање на европска армија, нагласувајќи дека континентот повеќе не може да се потпира на заштитата на САД и дека ќе има почит од Вашингтон само со силна војска.

„Американците посегнуваат по европските земји и прашуваат колку војници се подготвени да испратат“, рече трет дипломат.

Засега нема коментар од Стејт департментот.

Рускиот претседател Владимир Путин не би се осмелил да нападне земја на НАТО, изјави генералниот секретар на НАТО Марк Руте на конференцијата за безбедност во Минхен.

Руте додаде дека Москва ќе се соочи со „жесток и деструктивен напад“ од Алијансата доколку тоа се случи.